KKRTC Recruitment 2026:ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮದಲ್ಲಿ ಚಾಲಕ ಹುದ್ದೆಗಳ ನೇಮಕಾತಿ.

ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ಹಾಗೂ ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮ (KKRTC) ಬೀದರ್ ವಿಭಾಗದಲ್ಲಿ 2026ನೇ ಸಾಲಿನ ನೇಮಕಾತಿಯ ಭಾಗವಾಗಿ ವಿವಿಧ ಹುದ್ದೆಗಳ ಭರ್ತಿಗೆ ಅರ್ಹ ಅಭ್ಯರ್ಥಿಗಳಿಂದ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ. ಆಸಕ್ತರು ನೇರ ಸಂದರ್ಶನ (Walk-in Interview) ಮೂಲಕ ಭಾಗವಹಿಸಬಹುದು.

ಬೀದರ್ ಜಿಲ್ಲೆಯ ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮದ ವ್ಯಾಪ್ತಿಯಲ್ಲಿ ಖಾಲಿ ಇರುವ ವಿವಿಧ ಹುದ್ದೆಗಳ ಭರ್ತಿಗಾಗಿ ಅರ್ಹ ಅಭ್ಯರ್ಥಿಗಳಿಂದ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ. ಒಟ್ಟು 78 ಹುದ್ದೆಗಳನ್ನು ನೇರ ಸಂದರ್ಶನ (Walk-in Interview) ಮೂಲಕ ಭರ್ತಿ ಮಾಡಲಾಗುತ್ತದೆ.

ಎಲ್ಲೆಲ್ಲಿ ಖಾಲಿ ಇದೆ ಹುದ್ದೆಗಳು

ಬೀದರ್ ವಿಭಾಗದ ವ್ಯಾಪ್ತಿಗೆ ಬರುವ ಈ ಕೆಳಗಿನ ಘಟಕಗಳಲ್ಲಿ ಚಾಲಕರ ಕೊರತೆ ಇದ್ದು, ಆಯ್ಕೆಯಾದವರನ್ನು ಇಲ್ಲಿ ನಿಯೋಜಿಸಲಾಗುತ್ತದೆ.

• ಬೀದರ್-1 ಮತ್ತು ಬೀದರ್-2 ಘಟಕಗಳು
• ಭಾಲ್ಕಿ, ಔರಾದ್
• ಬಸವಕಲ್ಯಾಣ ಮತ್ತು ಹುಮನಾಬಾದ್ ಘಟಕಗಳು.

ಹುದ್ದೆಗಳ ಲೆಕ್ಕಾಚಾರ (ಒಟ್ಟು 78)

ಈ ನೇಮಕಾತಿ ಪ್ರಕ್ರಿಯೆಯಲ್ಲಿ ಎರಡು ವಿಧಗಳಿದ್ದು, ಸರ್ಕಾರದ ಮೀಸಲಾತಿ ನಿಯಮಾನುಸಾರ ಹುದ್ದೆಗಳ ಹಂಚಿಕೆ ಮಾಡಲಾಗಿದೆ.

1. ಹೊಸ ಹುದ್ದೆಗಳು :56 (ಸಾಮಾನ್ಯ -16, SC-5, ST-3, ಪ್ರವರ್ಗ 2A-5 ಇತ್ಯಾದಿ )
2. ಹಿಂಬಾಕಿ (Backlog) ಹುದ್ದೆಗಳು : 22 ( ಪ್ರವರ್ಗ 2A-15, ಪ್ರವರ್ಗ 1-3, ಪ್ರವರ್ಗ 3A-4)

ಅರ್ಜಿ ಸಲ್ಲಿಸಲು ಇರುವ ಅರ್ಹತೆಗಳು

ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಕೇವಲ ಲೈಸೆನ್ಸ್ ಅಲ್ಲ. ಕೆಳಗಿನ ಅರ್ಹತೆಗಳು ಕಡ್ಡಾಯ:

1. ಶಿಕ್ಷಣ: ಕನಿಷ್ಠ SSLC ಪಾಸಾಗಿರಬೇಕು.
2. ಲೈಸೆನ್ಸ್: ಭಾರಿ ವಾಹನ ಚಾಲನೆ ಪರವಾನಿಗೆ (HTV Licence) ಹೊಂದಿರಬೇಕು ಮತ್ತು ಕರ್ನಾಟಕ ಬ್ಯಾಡ್ಜ್ ಇದ್ದಿರಬೇಕು. ಲೈಸೆನ್ಸ್ ಪಡೆದಿದ್ದು ಕನಿಷ್ಠ 2 ವರ್ಷ ಆಗಿರಬೇಕು.
3. ಪ್ರಮುಖ ಅರ್ಹತೆ: ಅಭ್ಯರ್ಥಿಯು ಈಗಾಗಲೇ KKRTC, KSRTC, BMTC ಅಥವಾ ವಾಯುವ್ಯ ಕರ್ನಾಟಕ ಸಾರಿಗೆ ಸಂಸ್ಥೆಗಳಲ್ಲಿ ನಡೆಸಲಾದ ಗಣಕೀಕೃತ ಚಾಲನಾ Track Testನ್ನು ಪಾಸ್ ಆಗಿರಬೇಕು. ಅದರ ದಾಖಲಾತಿ ಇದ್ದವರಿಗೆ ಮಾತ್ರ ನೇರ ಸಂದರ್ಶನ ಅವಕಾಶವಿದೆ.

ವಯೋಮಿತಿ

• ಕನಿಷ್ಠ ವಯಸ್ಸು :24 ವರ್ಷ ತುಂಬಿರಬೇಕು
• ಗರಿಷ್ಠ ವಯಸ್ಸು :ಸಾಮಾನ್ಯ ವರ್ಗ : 35 ವರ್ಷ, 2A, 2B, 3A, 3B- 38ವರ್ಷ. SC/ST ಮತ್ತು ಪ್ರವರ್ಗ -1: 40 ವರ್ಷ

ಸಂದರ್ಶನ ಯಾವಾಗ?ಎಲ್ಲಿ?

ಯಾವುದೇ ಲಿಖಿತ ಪರೀಕ್ಷೆ ಇರುವುದಿಲ್ಲ.ನೇರವಾಗಿ ಧಾಖಲೆ ಪರಿಶೀಲನೆ ಮತ್ತು ಸಂದರ್ಶನ ನಡೆಯಲಿದೆ.

• ದಿನಾಂಕ : ಫೆಬ್ರವರಿ 3, 2026 ಮತ್ತು ಫೆಬ್ರವರಿ 4, 2026.
• ಸಮಯ :ಬೆಳಿಗ್ಗೆ 12 ಗಂಟೆಯ ಒಳಗೆ ಹೆಸರನ್ನು ನೋಂದಾಯಿಸಿಕೊಳ್ಳಬೇಕು.
• ಸ್ಥಳ :ಕಕರಸಾ ನಿಗಮದ ಹಳೆ ಬಸ್ ಸ್ಟಾಂಡ್, ಬೀದರ್ ಬಿಭಾಗೀಯ ಕಚೇರಿ.

ಬೇಕಾಗುವ ದಾಖಲೆಗಳು

ಸಂದರ್ಶನಕ್ಕೆ ಹಾಜರಾಗುವ ಅಭ್ಯರ್ಥಿಗಳು ಕೆಳಗಿನ ಮೂಲ ದಾಖಲೆಗಳು (Original) ಜೊತೆಗೆ 2 ಸೆಟ್ ಜೆರಾಕ್ಸ್ ಪ್ರತಿಗಳು ಹಾಗೂ 2 ಸೆಟ್ ಫೋಟೋಗಳನ್ನು ಕಡ್ಡಾಯವಾಗಿ ತರಬೇಕು:

• SSLC ಅಂಕಪಟ್ಟಿ
• ಚಾಲನಾ ಪರವಾನಗಿ (HTV License) ಮತ್ತು ಬ್ಯಾಡ್ಜ್
• ಬಸ್ ಚಾಲನಾ ಅನುಭವದ ಪ್ರಮಾಣಪತ್ರ
• ಆಧಾರ್ ಕಾರ್ಡ್
• ಜಾತಿ ಪ್ರಮಾಣ ಪತ್ರ